Prolog 11.11.2024

geschrieben von Andreas Gsell & Klaus Ziegler, vorgetragen von Markus Weiß

Gott sei Dank, es isch sowit,
mir hän wieder Fasnachtszit.
Mit Trüebsalblose isch’s vorbei,
e Hoch uff uns’ri Narretei.

D` Summerzit, die isch vergange,
d` Fasnacht, die duet jetzt a fange.
Mir hen de Gmeirot und Verwaltig, des isch doch so,
jetzt lang gnueg umewurschtle loh,
mit dem Ergebnis, nach dem Johr,
s´isch nit viel besser wie devor.
Wobei mir scho bim Thema wäre,
de Burgi, mueß uns einiges erkläre.

D` Stadt, die mueß wie immer spare,
ä neui Strategie duet sie jetzt fahre.
So nümmt die Sach dann ihre Lauf,
im Immobilie-Schlußverchauf.
Altehrwürdigi Räum, hinter dene sich Ex-Rothüüser verstecke,
un au d` Johann-Peter-Hebel-Schuel, will me vertschegge.
„Gar nit so eifach“, chönnt me schriebe,
bis jetzt isch d` Stadt druff hogge bliebe.
Und de Burgi wird ganz bleich,
keine chauft de alde Seich.
Dewege will me e Usglich schaffe,
und s` Schweigmatter Buurebad zue mache.
S` Geld zum Uffloh, sell wär do,
ä Muggeschiß, dä fehlt nur no.
Doch grad selle will me spare,
um usem Dreck z`hole de Chaare.
Zum Loswerde de Schuldechnebel,
goth`s in de Regel nach em Johann-Peter Hebel:
Denn, wer de Chrützer nit ehrt,
isch des Talers nit wert.
Doch bi dem Schwimmbad z`Schweigmatt obe,
muesch halt au di Buuchgfuehl froge,
un des seit uns doch ganz klar,
das me des Schwimmbad palde cha.

In de Stadt, die Chübelchischde
still erfülle ihri Pflichde:
Durchfahrt erschwere, Parkplätz blockiere,
Normalerwies, griegsch`s an de Biere
Doch:
De Glöggler Hans, für wenig Geld,
het jetzt si eige Spargelfeld.
Er bruucht jetzt nümmi mit sim Chaare,
zum Spargelchauf ins Rebland fahre.
Es längt, wenn er uff flinke Sohle,
in d` Kurve lauft, die wiesse Stange z`hole.
In 20 Johr, ihr werdet s` alli erlebe,
siehsch ihn dann, renne mit de Säge,
in de Kranzkurve, er dann Holz mache duet,
denn Birkeholz, des brennt so guet.

In dere Adolf-Müller-Stroß,
ware d`Verkehrsprobleme gar nit groß.
Was früeher guet und eifach war,
zählt jetzt als alt und nümmi klar.
Wo keini Probleme sin, mueß me sie halt mache,
sag mol, wer isch do nit ganz bache?
Weil`s Mode isch, e Kreisel hi z`dätsche,
vor Wuet, do chönnt me d`Zäh grad flätsche.
So e Minikreisel, des isch ä Seich,
me chönnt au sage: es isch e Schildbürgerstreich.
Wenn dört duure fahrsch, ums Villringereck,
isch di Kofferraum no höchi Heizmann-Beck.
He nei oder mueß me sich mache Sorge,
ob`s dene Planer vor luuter Kreisel scho drümlig isch gworde?

An dem Punkt due ich jetzt uffhöre scho,
sunscht stand ich um halb zwölfi no do.
Ölf Kanoneschläg hüt Nacht,
und mir Narre hen wieder d`Macht.

De OZUME cha`s au chum erwarde,
wenn die neui Kampagne endlich duet starte.
Un mir sin alli mitenand,
uff de neue Statthalter g`spannt.
Me weiß es nit, viellicht wird`s au,
wieder mol e hübschi Frau?
Gli löst sich hüt des Rätsel uff,
mir alli sin gspannt und warte druff.

Drum Feger, dient`s mol rassle loh,
dass unser Motto isch ball do.
Ich zieh mi z`ruck vom Brunnerand,
ARUBA nomol mitenand.

Schopfe












Egal wie`s chunnt:

D`Fasnacht blibt bunt!